අපි කලින් කොටසින් කතා කළ විදිහට ඔබ හොඳින් විශ්ලේෂණය කරලා (P/E අගය අඩුවෙන් තියෙන, හොඳ ලාභාංශ ගෙවන) සමාගමක කොටස් මිලදී ගත්තා යැයි සිතන්න. නමුත් අවාසනාවකට, ඊළඟ දවසේ රටේ මොකක් හෝ අර්බුදයක් වෙලා මුළු වෙළඳපොලම කඩාගෙන වැටෙනවා. (දැන් පවතින තත්වය වගේ) ඔබ රුපියල් 100 ට ගත්තු කොටසේ මිල රුපියල් 70 දක්වා පහත වැටෙනවා.
සාමාන්ය කෙනෙක් මේ වෙලාවට බය වෙලා, පාඩුවට කොටස් ටික විකුණලා දාලා ආයෝජනයෙන් ඈත් වෙනවා. නමුත් බුද්ධිමත් ආයෝජකයෙක් මේ වෙලාවට පාවිච්චි කරන "සුපිරි ආයුධය" තමයි මිල සාමාන්යකරණය කිරීම (Rupee Cost Averaging - RCA).
- අර්බුද මැදින් ගොඩනැගෙන මූල්ය නිදහස | Financial freedom through crisis | Part 01
- මූල්ය නිදහස සොයා යන ගමන: ලොව ප්රකට බිලියනපතියන්ගේ රහස් මොනවාද? What Are the Secrets of the World's Billionaires? | Part 02
- ඉවසීම සහ වැල් පොලිය : ලෝකයේ අටවැනි පුදුමය | Patience and Compound Interest | Part 03
- නිවැරදි සමාගමක් තෝරාගන්නේ කෙසේද? (මූලික විශ්ලේෂණය සහ ආයෝජන වචන මාලාව) | How to choose the right shares? | Part 04
- හරියටම කොටස් මිලදී ගන්නේ කවදාද? "තාක්ෂණික විශ්ලේෂණය" (Technical Analysis) සහ TradingView භාවිතය | Part 05
- බ්රේක් නැති වාහනයක නොයන්න: ආයෝජනයේ "අවදානම් කළමනාකරණය" - "Risk Management" in Investment | Part 06
1. මිල සාමාන්යකරණය (RCA) කියන්නේ මොකක්ද?
සරලවම කිවහොත්, මෙය වෙළඳපොල මිල ඉහළ ගියත් පහළ ගියත් එකම නියත මුදලක් (උදා: මාසිකව රු. 5,000 ක්) අඛණ්ඩව ආයෝජනය කිරීමේ උපාය මාර්ගයයි.
මෙමඟින් වෙළඳපොල ඉහළ යන විට ඔබට ලැබෙන කොටස් ප්රමාණය අඩු වන අතර, වෙළඳපොල කඩා වැටෙන විට ඔබට එම මුදලටම වැඩි කොටස් ප්රමාණයක් අඩුවට ලබාගත හැක.
2. මෙහි ඇති "මැජික් එක" ප්රායෝගික උදාහරණයකින් තේරුම් ගනිමු.
ඔබ මාසිකව රුපියල් 10,000 ක් එක්තරා ශක්තිමත් සමාගමක ආයෝජනය කරනවා යැයි සිතමු.
පළමු මාසය: කොටසක මිල රු. 100 යි. ඔබ රු. 10,000 ක් ආයෝජනය කරනවා. ඔබට කොටස් 100 ක් ලැබෙනවා.
දෙවන මාසය (අර්බුදයක් පැමිණේ): කොටසේ මිල රු. 50 දක්වා හරි අඩකින් කඩා වැටෙනවා. සාමාන්ය අය බය වෙලා විකුණනවා. නමුත් ඔබ ඔබේ සැලසුම අතහරින්නේ නැතුව, මේ මාසෙත් රු. 10,000 ක් යොදවනවා. මිල අඩුවී ඇති නිසා ඔබට දැන් කොටස් 200 ක් ලැබෙනවා!
දැන් අපි ඔබේ ආයෝජනයේ තත්ත්වය බලමු:
ඔබ යෙදූ මුළු මුදල:රු. 20,000 (පළමු මාසයේ 10,000 + දෙවන මාසයේ 10,000)
ඔබට ඇති මුළු කොටස් ගණන: කොටස් 300 (පළමු මාසයේ 100 + දෙවන මාසයේ 200)
දැන් ඔබේ සාමාන්ය මිල (Average Price) කීයද?
රු. 20,000 / කොටස් 300 = රු. 66.66 යි.
3. මේකෙන් ලැබෙන සැබෑ වාසිය කුමක්ද?
ඔබ පළමු මාසයේ කොටස් ගත්තේ රු. 100 ටයි. දැන් මිල රු. 50 ට වැටිලා තියෙන්නේ. ඔබට නැවතත් ලාභයක් ලබා ගැනීමට නම් මිල නැවතත් රු. 100 දක්වා ඉහළ යනතුරු බලා සිටිය යුතුද?
නැත! කිසිසේත්ම නැත!
ඔබ දෙවන මාසයේ අඩු මිලට කොටස් එකතු කර මිල සාමාන්යකරණය (Average) කළ නිසා, දැන් ඔබේ කොටසක පිරිවැය රු. 66.66 කි. එනම්, වෙළඳපොල යන්තම් යථා තත්ත්වයට පත්වී මිල රු. 67 වූ වහාම ඔබ සිටින්නේ ලාභයකයි (Profit)! මිල නැවත රු. 100 ට ගියහොත් ඔබ අතිවිශාල ලාභයක් ලබනු ඇත.
පාඩුවක් ක්ෂණිකවම ලාභයක් බවට පත් කරන ප්රබලතම ක්රමය මෙයයි.
4. Rupe Cost Averaging Calculator- RCA
5. අනතුරු ඇඟවීමකි! (අනිවාර්යයෙන් මතක තබා ගන්න)
මිල සාමාන්යකරණය (Averaging down) කිරීම කළ යුත්තේ අපි කලින් කතා කළ මූලික විශ්ලේෂණයේදී (Fundamental Analysis) සමත් වූ, ශක්තිමත්, ලාභ ලබන සමාගම් වල කොටස් පහත වැටුණු විට පමණි.
සමාගමක් බංකොලොත් වෙමින් පවතින නිසා එහි මිල දිගින් දිගටම වැටෙනවා නම්, එහි තව තවත් මුදල් යෙදවීම "උඩින් වැටෙන මුවහත් පිහියක් අතින් අල්ලන්නාක් මෙනි". එයින් ඔබේ අත කැපී මුදල් විනාශ වී යයි. එබැවින් හොඳ සමාගම් පමණක් තෝරාගන්න.
මෙක කියවල ඒකපාරටම ආයොජන කරන්න යන්න නම් ඒපා. මේ ගැන දැනුවත් වෙලා අවබෝධයෙන් වැඩෙට බහිමු.
ඊලග ලිපෙයෙන් හමුවෙමු. මේ ගැන වැඩිදුර අධ්යයනය කරන්න මුලාශ්ර කිහිපයක් පහළින් යොමු කර ඇත.