පෙර ලිපියෙන් අපි කොටස් වෙළඳපොල සහ අර්බුදකාරී කාලයක ආයෝජනය කිරීමේ වාසි ගැන සරලව කතා කළා. නමුත් කෙනෙකුට මෙලෙස ප්රශ්නයක් මතුවිය හැක: "මම දැනටමත් රැකියාවක් හෝ ව්යාපාරයක් කරනවා. මට මාසිකව පඩියක් ලැබෙනවා. එසේ නම් මම මගේ සල්ලි අවදානමක් අරගෙන ආයෝජනය කළ යුත්තේ ඇයි?"
මේ සඳහා දිය හැකි එකම සහ වටිනාම පිළිතුර වන්නේ "මූල්ය නිදහස" (Financial Freedom) ලබා ගැනීමයි.
1. මූල්ය නිදහස (Financial Freedom) යනු කුමක්ද?
 |
බොහෝ දෙනෙක් සිතන්නේ මූල්ය නිදහස යනු අසීමිතව මුදල් වියදම් කිරීම කියායි. නමුත් සැබෑ මූල්ය නිදහස යනු එය නොවේ. සරලවම කිවහොත්, මූල්ය නිදහස යනු "ඔබ මුදල් වෙනුවෙන් වැඩ කරනවා වෙනුවට, ඔබේ මුදල් ඔබ වෙනුවෙන් වැඩ කිරීමට සැලැස්වීමයි."
ඔබ රැකියාවට නොගියත්, ඔබ අසනීප වී නිවසේ සිටියත්, ඔබේ මාසික බිල්පත්, කෑමබීම සහ අනෙකුත් සියලුම මූලික වියදම් පියවා ගැනීමට තරම් ප්රමාණවත් ආදායමක් ඔබේ ආයෝජන වලින් ස්වයංක්රීයවම (Passive Income) ගලාගෙන එන්නේ නම්, ඔබ මූල්යමය වශයෙන් නිදහස් පුද්ගලයෙකි. ඔබ ආයෝජනය කරන්නේ එදා වේල පිරිමසා ගැනීමට නොව, දිනෙක සල්ලි පස්සේ හඹා යාම නතර කර, ඔබට කැමති විදියට ජීවිතය විඳීමට අවශ්ය නිදහස මිලදී ගැනීමටයි.
2. සල්ලි බැංකුවේ තබාගෙන සිටියාම මදිද? (උද්ධමනයේ අවදානම)
ඔබේ මුදල් නිවසේ මෙට්ටයක් යට හෝ සාමාන්ය ඉතුරුම් ගිණුමක පමණක් තබා ගැනීම යනු ඔබට නොදැනීම ඔබේ මුදල් වල වටිනාකම දියවී යාමට ඉඩ හැරීමකි. මෙයට හේතුව උද්ධමනය (Inflation) හෙවත් බඩු මිල ඉහළ යාමයි. මීට වසර 5 කට පෙර රුපියල් 100 කින් මිලදී ගත් බඩු ප්රමාණය අද ඔබට රුපියල් 100 කින් මිලදී ගත නොහැක. එබැවින් ඔබේ මුදල් බඩු මිල ඉහළ යන වේගයට වඩා වැඩි වේගයකින් වර්ධනය වන තැනක (කොටස් වෙළඳපොල හෝ ඒකක භාර වැනි) ආයෝජනය කිරීම අනිවාර්ය වේ.
3. ලොව ප්රකට ආයෝජකයින්ගේ අදහස්
.png)
ආයෝජනය ගැන කතා කරන විට අපට ලෝකයේ සාර්ථකම පුද්ගලයින්ගෙන් ඉගෙන ගත හැකි පාඩම් බොහෝමයකි.
වොරන් බෆට් (Warren Buffett)
ලෝකයේ සාර්ථකම ආයෝජකයා ලෙස සැලකෙන වොරන් බෆට්, කොටස් වෙළඳපොල හරහාම බිලියනපතියෙකු වූ අයෙකි. ආයෝජනය ගැන මුකුත්ම නොදන්නා කෙනෙකුට වුවද ඔහුගේ මෙම කියමන් දෙක ජීවිතය වෙනස් කරන පාඩම් දෙකක් වනු ඇත:
"ඔබ නිදා සිටින විටත් මුදල් උපයන ක්රමයක් ඔබ සොයා ගත්තේ නැත්නම්, ඔබට මිය යන තුරුම වැඩ කිරීමට සිදුවේවි."
"If you don't find a way to make money while you sleep, you will work until you die."
මෙයින් ඔහු අදහස් කරන්නේ ආයෝජනයක ඇති වැදගත්කමයි. ඔබ නිදාගන්නා විට ඔබේ රැකියාවේ පඩිය වැඩ කරන්නේ නැත. නමුත් ඔබ හොඳ සමාගමක කොටස් මිලදී ගෙන ඇත්නම්, ඔබ නිදා සිටින විටත් එම සමාගම වැඩ කරමින් ඔබට ලාභ (Dividends) උපයා දෙයි.
ඔහුගේ මීළඟ ප්රසිද්ධම ප්රකාශය අර්බුදකාරී කාලවලට (යුධ සමයන්, ආර්ථික කඩා වැටීම්) ඉතා හොඳින් ගැලපේ:
"අනෙක් අය කෑදර වන විට ඔබ බිය වන්න, අනෙක් අය බියෙන් සිටින විට ඔබ කෑදර වන්න."
"Be fearful when others are greedy, and greedy when others are fearful."
වෙළඳපොල කඩා වැටෙන විට සාමාන්ය ජනතාව බිය වී තමන්ගේ කොටස් පාඩුවට විකුණා දමති. නමුත් වොරන් බෆට් වැනි බුද්ධිමත් ආයෝජකයින් කරන්නේ එම අවස්ථාවෙන් ප්රයෝජන ගෙන, ඉතා වටිනා සමාගම් වල කොටස් අඩු මිලට (Discount එකකට) මිලදී ගෙන තබා ගැනීමයි. අර්බුදය නිම වී වෙළඳපොල යථා තත්ත්වයට පත්වන විට ඔවුන් අතිවිශාල ලාභයක් ලබයි.
රොබට් කියෝසාකි (Robert Kiyosaki)
ලොව පුරා අලෙවි වූ "Rich Dad Poor Dad" පොතේ කතුවරයා වන ඔහු මෙසේ කියයි:
"දුප්පත් මිනිසුන් මුදල් වෙනුවෙන් වැඩ කරයි. පොහොසත් මිනිසුන්ගේ මුදල් ඔවුන් වෙනුවෙන් වැඩ කරයි."
ඔබ කොටස් වෙළඳපොලේ රුපියල් 1,000 ක් ආයෝජනය කළහොත්, එම රුපියල් දහස සලකන්න ඔබේ කර්මාන්තශාලාවක වැඩ කරන සේවකයින් දාහක් (1000) විදියට. ඔවුන්ගේ රාජකාරිය වන්නේ දිනපතා ඔබ වෙනුවෙන් තවත් මුදල් උපයා දීමයි.
 |
ඉතින් මිත්රවරුණි, ආයෝජනය කිරීම යනු ඉක්මනින් පොහොසත් වීමේ මැජික් ක්රමයක් නොවේ. එය ඉවසීම සහ විනය මත ගොඩනැගෙන ගමනකි. අර්බුද එනු ඇත, වෙළඳපොල කඩා වැටෙනු ඇත. නමුත් ඒ කිසිවකට බිය නොවී, කුඩා මුදලකින් හෝ අදම ඔබගේ ආයෝජන ගමන ආරම්භ කරන්න. දිනක ඔබට කිසිවෙකුට හිස නොනමා, මූල්ය නිදහසින් යුතුව ජීවත් වීමට එම තීරණය මග පාදනු ඇත.
මෙක කියවල ඒකපාරටම ආයොජන කරන්න යන්න නම් ඒපා. මේ ගැන දැනුවත් වෙලා අවබෝධයෙන් වැඩෙට බහිමු.
ඊලග ලිපෙයෙන් හමුවෙමු. මේ ගැන වැඩිදුර අධ්යයනය කරන්න මුලාශ්ර කිහිපයක් පහළින් යොමු කර ඇත.